Koalicioni LDK-AKR nuk po arrin të dakordohet për dërgimin e komisionerve në qytetin e Mitrovicës me rastin e zgjedhjeve të parakohshme të 11 qershorit.

Burimet brenda Arbresh.info mësojnë se nga 170 komisionerë sa u takojnë këtij koalicioni, LDK i ka ofruar vetëm 30 komisioner partnerit të saj AKR-së.

Jeton Ujkani shef i shtabit të zgjedhor të AKR-së në Mitrovicë në një prononcim për arbresh.info ka thënë se kanë pasur vështirësi dhe se nuk kanë arritur të merren vesh ende.

“Koalicioni LDK-AKR duhet të ketë diku 170 komisioner, por ne kemi pasur vështërsi dhe nuk kemi mundur të merremi vesh për numra që koalicioni na ka ofruar, dhe ende nuk e dim saktë sa kanë me qenë komisionerë të AKR-së,” tha Ujkani.

I pyetur se a janë vonuar në dorëzimin e listës së komisionerëve, Ujkani ka thënë se lista nuk është përfunduar dhe se duhet të pritet të gjendet një zgjidhje./arbresh.info/